Nagluntad ang isa ka dako nga sunog sa isa ka establisyamento sang Huli Precision Chemical Factory sa Hsinchu Industrial Park sa Taiwan kahapon nga adlaw, Agosto 1.
Makit-an ang tuman ka damol nga aso tuga sang sunog nga gintunaan man sang pila ka mga pagnilupok sa sulod sang building.
Suno sa mga impormasyon, nagsugod ang kalayo alas-11 sang aga.
Nahibaluan nga madamo sang mga Pilipino ang naga-ubra sa nasambit nga industrial center.
Wala man sang nasamaran sa insidente matapos nga nakaguwa man gilayon ang mga trabahante kag ang mga indibidwal nga malapit sa sunog.
Sa subong, padayun pa ang imbestigasyon sang mga awtoridad sa kun ano ang ginhalinan sang kalayo.
