ILOILO CITY- Naabo gid ang duha ka mga balay sa natabo nga sunog sa Brgy. Sambag, Jaro, Iloilo City.
Ang nasunog nga mga balay ang ginapanag-iyahan nanday Sheila Cupita kag Joenalyn Borre.
Sa interview sang Bombo Radyo kay Sheila Cupita, tag-iya sang isa sa mga nasunog nga balay, iya ginpahayag nga wala sang tawo sa ila balay sang natabo ang sunog.
Suno kay Cupita, sang amo nga tion, nagkadto sa eskwelahan ang iya mga kabataan kag nagkadto man sila sa uma agud nga magharvest sang utan.
Human sa light materials ang balay rason nga madasig nga ginlamon sang kalayo.
Sa subong, nagapadayon pa ang imbestigasyon sang Bureau of Fire Protection sa nasambit nga sunog.
