ILOILO CITY- Sigurado na ang Team Philippines nga makapadala sang indi magnubo sa pito ka mga atleta sa nagahilapit nga 2024 Olympics sa Paris nga patigayunon anom ka bulan umpisa subong.
Ang pole vaulter nga si EJ Obiena, nga ikaduha sa ranking sa kalibutan, ang ginalantaw nga may pinakadako nga tsansa nga makakuha sang medalya kun indi gold base sa nauna nga performances sa world stage.
Ang gymnast nga si Carlos Yulo nga two-time world champion ang nagsugod naman sang iya preparasyon.
Ginatan-aw man ang boxer nga si Eumir Marcial, ang 2021 Tokyo Olympics bronze medalist sa middleweight class, nga magpakita sang maayo nga performance sa light heavy division.
Suno kay Philippine Olympic Committee (POC) president Bambol Tolentino, mataas ang expectations sa sini nga mga atleta.
Mahimo naman nga magdugang sa listahan sang team nga magtiglawas sang Pilipinas sa Olympics amo ang highest-ranked Filipino female swimmer nga twice Olympic medalist para sa Canada sadto nga si Kayla Noelle Sanchez nga ginahulat pa nga makuha ang isa sa duha ka mandatory slots para sa Philippine swim team sa Olympics.
