Gintawag sang Tennis legend kag 14-time doubles Grand Slam champion nga Venus Williams sang Estados Unidos ang Pinay tennis sensation nga si Alex Eala bilang isa ka ”world star.”
Ini matapos ang ila nga pag-updanay sa doubles event sang 2026 National Bank Open sa Toronto, Canada.
Suno kay Williams, personal sini nga ginpili si Eala bilang iya partner bangud sa talento sini nga ginpakita amo man ang dalayawon sini nga personalidad.
Ginlaragway man ni Williams si Eala bilang isa ka maayo kag maalam nga atleta nga nagahatag sang positibo nga impluwensya sa mga tawo nga iya nakaupod.
Apisar nagtapos ang ila kampanya sa first round sang 2026 National Bank Open matapos mapierdi nanday Liudmila Samsonova sang Russia kag Miyu Kato sang Japan, positibo sa gihapon si Williams sa ila eksperiensya.
Samtang, ginakonsidera naman nga isa naman ka dako nga kadungganan para kay Eala nga maka-partner si Williams sa court.
Suno sa iya, madamo siya sang natun-an sa veteran tennis star, ilabi na sa mentalidad kag estratehiya ni Williams.
Sa karon, padayon si Eala sa iya singles campaign sa National Bank Open, samtang si Williams naman ang magasabak sa Cincinnati Masters sa Cincinnati, Ohio, USA.
