ILOILO – Nangin madinalag-on ang ginpatigayon nga The 3rd National Bombo Music Festival 2020 sa West Visayas State University Cultural Center kagab i.
Gindugukan sang mga music enthusiasts ang nasambit nga kahiwatan kun sa diin nasaksihan nila ang world class performances sang 12 ka mga finalists.
Sa interview sang Bombo Radyo kay Dr. Rogelio Florete, Chairman sang Florete Group of Companies iya ginpahayag nga sa iya nangin assessment sa ginpatigayon nga The 3rd National Bombo Music Festival 2020 pasado kag madinalag on gid in.
Suno kay Dr. Florete, tuman siya nga nagakalipay bangud nangin isa na naman ka palaagyan ang Bombo Radyo Philippines kag Star FM agud maghatag sang oportunidad sa mga talentado nga song writers sa pungsod agud ipasundayag man ang ila tagsa ka mga obra.
Dugang sang natungdan, nagalaum siya nga nalingaw man ang mga tagpalamati sa radyo kag lakip man ang ga tumalan aw sa facebook live bangud nasaksihan nila ang matahom nga mga ambahanon kag world class performances sang mga finalists.
Santo sa pahayag ni Dr Florete, ginatan aw nila nga mangin mas madinalag-on, dako, kag engrande pa ang Bombo Music Festival sa madasun nga mga tinuig sa diin katuyuan nila nga maka imbitar pa sang mas madamo nga mga talentado nga song writers nagikan sa nagkalain-lain nga anggid sa nangin performance sa kilid sang pvincya.
Samtang daw indi naman ka eksplikar ang nabatygan ni Mr Ryan Cayabyab isa sa mga nangin hurado sa Bombo Music Festival 2020 bangud sa tuman ka sadya sa iya nangin eksperyensya sa pagtan aw sang The 3rd National Bombo Music Festival 2020.
Sa interview sang Bombo Radyo kay Mr Cayabyab iya ginpahayag nga mas maayo kun gamiton sang mga contestants ang ila tagsa ka mga dialekto sa pagsulat sang ambahanon gamit man ang ila mga estorya sigurado nga mangin mas maduagon ang ila mangin mga kanta.
Suno kay mas makita pa kun ano ka nami ang maragtas sang Pilipinas paagi sa mga ambahanon.
Nagalaum si Maestro Ryan Cayabyab nga magataas pa ang kalidad sang mga ambahanon sa Bombo Music Festival sa masunod nga mga tinuig.
Suno kay Cayabyab nga isa sa mga hurado sang Bombo Music Festival 2020 grand performance night,ang dapat lang nga himuon sang mga kompositor amo nga magsulat sang mga kanta nga pang-radyo kag may appeal sa mas madamo nga tawo.
Sa pagsulat sang kanta suno kay Mr. C,dapat tanan ang basic nga prinsipyo nga indi lang ang balatyagon ang imo panumdumon kundi ang balatyagon kag kun ano ang nauyunan man sang mga tawo.
Ang isa ka maayo nga kanta dugang pa niya amo nga manamian ang tagpalamati nga itutok nalang ang dulunggan pananglitan patukaron ini sa kahanginan.
Samtang, ginakabig naman niya nga kadungganan ng mangin kabahin sang bombo music festival 2020.
Suno naman kay Mr Rico Jacomille, Chairman sang Comittee sang Bombo Music Festival iya ginpahayag nga gina ako niya nga nabudlayan ang mga hurado sa pagpili sang mangin kampeon kag magapauli sang kadalag an bangud tanan nga finalists ang deserving mag daog.
Dugang pa sang natungdan, nagalaom siya nga padayon sa gihapon ang suporta nga ginahatag sang mga Original Pilipino Music writers agud padayon nga ipasanyog ang orihinal nga musika sang mga Pilipino
