Kamusta ang aton mga abyan nga mangunguma? Paano ninyo ginatumod kun healthy pa ang duta nga ginatamnan ninyo sang inyo mga ulutanon sa uma?
Didto sa Scotland, nangin uso ang pinasahi kag barato lang nga paagi sa paghibalo kun healthy pa ang duta.
Ini bangud ginalubong sang mga mangunguma ang ila brief ukon underwear sa idalom sang duta sa sulod sang duha ka bulan.
Ari ang kondisyon: Kun tuman ka malala ukon gision ang itsura sang 100% cotton nga brief kun kutkuton mo na pagkaligad sang duha ka bulan, buot silingon, super healthy pa ang duta!
Paathag ni Evan Wiig, executive director sang California’s Farmers Guild, ang cotton isa ka organic material kag naga-break down naturally kun ibutang mo sa compost pile. Ini bangud kun ibutang mo ang cotton mo nga underwear sa idalom sang duta nga ‘full of life’ ukon healthy, ang tanan nga creatures ang magapista sa sini nga underwear.
Samtang, kun sterile naman ukon wala sang kabuhi ang duta, wala gid sang gisi ang imo ilubong nga underwear bisan pila ka bulan mo pa ina nga hulaton antes kutkuton. Ina bangud wala man sang mga creatures ukon bisan mga lago lang nga magapalapit sa imo nga underwear. #
