ILOILO CITY- Napilian na ang magabug-os sa Top 12 finalist sang Bombo Music Festival
2020, ang nagaisahanon nga nationwide Original Song Writing Competition.
Gikan sa masobra 700 nga entries nga ginpasa nga komposisyon, ginpili ang mga
ambahanon nga magabug-os sa top 12 kun sa diin indi lang sa Pilipinas naghalin ang mga
napilian nga finalists bangud may napilian man gikan sa gwa sang pungsod.
Ang mga finalists ang ginpili sang Bombo Music Festival Screening Committee nga
ginalakipan sang mga batikan nga manug-amba, composer kag tiglawas sang Bombo
Radyo Philippines kag Star FM.
Ang mga finalists ang ginalakipan sang:
- Mahirap Gumawa ng Kanta ni Edwin Dimaculangan sang East Sunset Hill
Drive, West Covina, California, USA. - Sabi Ko Naman Sayo ni Ernie John Clores kag Glenn Bawa sang Sto. Angel,
San Pablo City, Laguna - Babalik-balikan ni Niño Dela Paz sang Burgos Street, Pamplona Uno, Las Piñas
City - Kung Gusto Mo Ako ni Francis Lazatin Jr. sang Evangelista Street, Leonilla Hill,
Baguio City. - Run ni Eugenio Corpuz III sang Bañada, Legazpi City, Albay.
- LDR ni Jose LG Fuentes sang Sitio Bato, Casile, Consolacion, Cebu.
- Break ni Lindy Catequista ‘sang Magsaysay Village, La Paz, Iloilo City.
- Ill Be Right By Your Side ni Elmar Jan Bolaño sang Namocon, Tigbauan, Iloilo kag
Patrick Mark Armada sang Janiuay, Iloilo. - Someday When I Am A King ni Edgardo Miraflor Jr. sang Justice Hugo Road,
Tangub, Bacolod City. - Okay Na Tayo ni Kezia Velez sang C Del Pilar Street, Brgy. 15, Cagayan De
Oro - Vows ni Jhanniel Alvarado kag Dave Alvarado sang Villa Asuncion, Tetuan,
Zamboanga City. - Kung Mahal Mo Siya ni Winset Rose Jacot sang Lessandra Subdivision, Gran
Europa Lumbia, Cagayan De Oro.
Kabilugan nga Php 1.330 million ang ipanghatag nga premyo sa Bombo Music
Festival 2020.
Ang 2nd runner up ang magabaton sang P150, 000.00 kag trophy, P200, 000.00 kag
trophy sa 1st runner up kag P275, 000.00 kag trophy sa Champion.
Magabaton maan sang P 30, 000.00 kag trophy ang mapilian nga Best Interpreter.
Wala naman sang magapauli nga wala sang nadaugan bangud ang siyam ka mga finalists ang makabaton sang P75,000.00 kada isa ukon kabilugan nga P675, 000.00.
Ang Bombo Music Festival 2020 ang isa na naman ka dalayawon nga kontribusyon sang
Bombo Radyo kag Star FM sa pagtib-ong sang mga original nga komposisyon sang
musikang Pilipino.
Ang finals night sang Bombo Music Festival 2020 ang patigayunon sa Enero 11, 2020
sa Iloilo City.
