Gin-athag sang Iloilo Provincial Government nga status quo ukon magapabilin sa gihapon ang travel requirements para sa magapauli nga locally stranded individuals (LSIs) sa probinsya sang Iloilo.
Ini ang kasunod sang Joint Resolution No. 003 nga gin-isyu sang Regional Inter-Agency Task Force kag Regional Task Force sang Pebrero 28.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga kinahanglan sa gihapon ang coordination sang LSI sa local government unit, kag ang pagsecure sang travel authority, medical certificate, kag Certificate of Acceptance.
Ini ang requirement para sa LSIs samtang wala pa nahitso ang plan of action sang National Inter-Agency Task Force may kaangtanan sa Uniform Travel Protocols.
Gina-finalize pa lang subong ang Safe, Swift and Smart Passage (S-PaSS) Travel Management System sang Department of Science and Technology nga amo ang magaserbe bilang one-stop-shop application kag communication para sa travelers.
Gina-finalize man ang StaySafe.ph System nga amo naman ang gamiton bilang primary contact tracing system.
