Natigayon nga matanom ang masobra 3,000 ka mga seedlings sang nagkalain-lain nga kahoy sa ginpatigayon nga tree-planting activity sa flood control project sa Brgy. Buhang, Jaro, Iloilo City.
Sa interview sang Bombo Radyo Iloilo kay Iloilo City Major Jerry Treñas, iya ginpahayag nga katuyuan sang aktibidad nga padamuon ang mga kahoy sa syudad kag mabatuan ang epekto sang climate change.
Suno kay Mayor Treñas, may yara naman siya sang gin-designar nga mga tinawo agud magtatap sa nasambit nga mga tanom.
Ang tree-planting ang ginpasakupan sang nagkalain-lain nga government agencies,pribado nga mga institusyon kag mga empleyado sang syudad.
Nahibaluan nga target sang syudad nga makatanom sang 7,000 ka mga seedlings sa nasambit nga area.
