Ginbuyagyag ni former senator Antonio Trillanes IV nga nagbaton ang pamilya Duterte sang minilyon ka pesos halin sa ginaalegar drug lord kag naglab-ot ini sa 181.6 million.
Sa iya pag-atubang sa House Committee on Justice hearing, ginpresentar ni Trillanes ang mga dokumento nga nagapakita sang serye sang ginaalegar financial transactions nga naga-involve kay Samuel “Sammy” Uy kag mga members sang Duterte family nga nagalakip kanday Vice President Sara Duterte, anay presidente Rodrigo Duterte, Veronica “Kitty” Duterte, Honeylet Avanceña, Rep. Paolo Duterte, kag Davao City Mayor Sebastian Duterte.
Gin-alegar ni Trillanes nga si Ang amo ang ginhalinan sang pondo sang mga Duterte.
Si Uy ang kilala bilang political contributor ni anay president Duterte kag alleged partner man ni Michael Yang nga former economic adviser ni Duterte kag involved sa kontrobersiya sa Pharmally kag POGO.
Yari ang break down sang P181.6 million halin kay Uy nga ginpaagi sa cashier’s kag personal checks sa pila ka members sang Duterte family halin sang 2011 tubtob 2013:
Vice President Sara Duterte: P22.32 million across three transactions
Davao City Mayor Sebastian Duterte: P51.58 million across five transactions
Davao City 1st District Representative Paolo Duterte: P38.81 million across four transactions
Honeylet Avanceña and Kitty Duterte: P53.28 million across five transaction
Former president Rodrigo Duterte: P15.66 million across three transactions
