ILOILO CITY – Preso ang trisikad driver matapos nga ginhanaan nga hikapon ang pribado nga bahin sang lawas sang isa ka babaye nga call center agent sa Barangay Magsaysay Lapaz, Iloilo City.
Ang lalaki amo si Rico Benedicto, 34 anyos residente sang nasambit nga barangay samtang ang babaye naman amo si alyas Charm, 29 anyos sang Barangay Balantang Jaro, Iloilo City.
Santu sa imbestigasyon, samtang nagalakat ang biktima sa barangay magsaysay, sang hinali na lang nga ginhanaan ni Benedicto nga hikapon ng pribado nga bahin sang lawas ni Charm.
Gilayon naman nga nakalikaw ang babaye rason nga wala natigayon ang tuyo ni Benedicto nga pagpanghurikap.
Bangud sini, nagtuga sang kakugmat sa bahin sang biktima ang natabo rason nga nagpabalhag siya sa Lapaz Police Station.
Sa subong, preso na si Benedicto sa Lapaz PNP.
