Gin-akusaran ni US Senate Majority Leader Mitch McConnell si outgoing President Donald Trump nga amo ang nag-provoke sang Enero 6 nga riot sa US Capitol.
Suno kay McConnel, upod ni Trump ang iban nga gamhanan nga tawo nga nagprovoke sa mga tawo rason nga natabo ang kinagamo.
Matandaan nga sa ikaduha nga tion, gin-impeach sang US House of Representatives si Trump sang nagligad nga semana apang ginahulat pa subong ang schedule sang trial sa Senado agud mahibaluan kun guilty ukon inosente si Trump.
Sang nagligad nga semana, una na nagpahayag si McConnell nga pamatian niya anay ang argumento sa Senate trial antes magdesisyon sang iya boto sa impeachment charge batok sa iya fellow republican nga si Trump.
Una naman nagpahayag si Senate Democratic Leader Chuck Schumer nga isa ka pamahog sa constitutional order si Trump — sa opisina man siya ukon wala.
