Nag-anunsyo si United States President Donald Trump nga indi anay sini pagdayunon ang pag-atake sa Iran.
Gin-post sang White House kag gin-post man ni Trump sa iya account ang amo nga pahayag pila ka oras na lang ang nabilin antes ang iya deadline nga ginhatag sa Iran nga amo ang Martes sang gab-i.
Una na sini ginsiling nga kun maglampas ang deadline kag wala gihapon nagapakig-negosyar ang Tehran kag kun indi gihapon pagbuksan ang Strait of Hormuz, panason sini ang bug-os nga sibilisasyon sa amo nga pungsod.
Apang sa iya statement subong nga aga (oras sa Pilipinas), ginsiling sini nga i-suspend sini anay ang pagpamomba kag pag-atake sa Iran kag hatagan pa sang duha ka semana ang amo nga nasyon.
Ginpahayag sini nga kasunod ini sang ila pag-istoryahanay nanday Prime Minister Shehbaz Sharif kag Field Marshal Asim Munir sang Pakistan nga amo ang nag-request nga ipaiway anay ang “destructive force” sa Iran.
“Based on conversations with Prime Minister Shehbaz Sharif and Field Marshal Asim Munir, of Pakistan, and wherein they requested that I hold off the destructive force being sent tonight to Iran, and subject to the Islamic Republic of Iran agreeing to the COMPLETE, IMMEDIATE, and SAFE OPENING of the Strait of Hormuz, I agree to suspend the bombing and attack of Iran for a period of two weeks,” suno kay Trump sa social media.
Ang Pakistan amo ang key mediator ukon ang nagapatunga sa Iran kag US kag nagaduso sang ceasefire.
“This will be a double sided CEASEFIRE! The reason for doing so is that we have already met and exceeded all Military objectives, and are very far along with a definitive Agreement concerning Longterm PEACE with Iran, and PEACE in the Middle East. We received a 10 point proposal from Iran, and believe it is a workable basis on which to negotiate. Almost all of the various points of past contention have been agreed to between the United States and Iran, but a two week period will allow the Agreement to be finalized and consummated,” suno pa sa post sang presidente.
Dugang sini: “On behalf of the United States of America, as President, and also representing the Countries of the Middle East, it is an Honor to have this Longterm problem close to resolution.”
Una na nagsiling ang Iran nga indi sila mag-isol kag preparado sila sa tanan nga posibilidad sa gyera batok sa US kag Israel.
