Nanindugan ang Iloilo City Traffic Transportation and Management Office (TTMO) nga ang pag-request nila sang car pass amo bangud sa pag-violate sang mga Public Utility Jeepney (PUJ) sang Pavia sa ila nangin kasugtanan agud nga makasulod sa Iloilo City.
Sa interview sang Bombo Radyo kay Retired Police Colonel Uldarico Garbanzos, head sang Traffic Transportation and Management Office, iya ginpahayag nga lakip sa mga bayolasyon nga ila ginbasehan amo ang mga jeep ang nagasulod sa syudad apisar nga wala sila sang car pass.
Suno kay Garbanzos, wala sang may natabo nga pagpauntat sang ila nga byahe.
Gin-athag man sini nga antes natabo ang indi nila pagbyahe, nag-request ang talatapan nga ibalik ang kustodiya sang car pass.
Apang, apisar sini, wala gyapon sang may na-confiscate ang talatapan bangud ginhatag nila balik ang car pass sa mga kooperatiba.
Ginbuyagyag man sang natungdan nga ang mga PUJ drivers ang masami nagasulod syudad nga masobra sa masobra 25% nga nakatalana para sa ila.
Nagapati si Garbanzos nga nga isa ini ka paglapas sa ila nga franchise.
