Buhi pa ang paglaum sang De La Salle University sa men’s basketball finals sa Season 87 sang University Athletic Association of the Philippines (UAAP) matapos ginlutos ang University of the Philippines (UP) sa Game 2 kagab-i, Disyembre 11.
Napuno sang emosyon ang Green Archers bangud natigayon nila nga mapalab-ot sa Game 3 ang hampang matapos nagtakop ang Game 2 sa skor nga 76-75 batok sa Fighting Maroons.
Nueve puntos pa ang lalagson sang La Salle sa pagsugod sang fourth quarter.
Antes ini nga frame, 11 puntos pa lamang ang nahimo sang back-to-back Most Valuable Player nga si Kevin Quiambao apang gin-doble sini ang output sa fourth quarter lakip na ang tatlo ka mga tres.
Si Quiambao nga player man sa Gilas Pilipinas ang nagtapos nga may 22 points, nine rebounds, two assists, kag isa ka steal.
Ini na ang ikaduha nga sunod-sunod nga tuig nga maga-diretso ang UP kag ang La Salle sa Game 3 sa finals sang men’s basketball.
Sa Domingo sang hapon ang third and final Season 87 Finals clash sang duha ka teams sa Araneta Coliseum sa Quezon City.
