Kumpletuhon anay sang United Kingdom ang pagbakuna sa ila adult population antes maghatag sang bakuna sa iban nga mga pungsod.
Masobra na sa 30 million ka Britons ang nakabaton sang una nga dose sang COVID-19 vaccine.
Target sang otoridad sa amo nga pungsod nga maubos bakuna ang tanan nga adult sa katapusan nga bahin sang Hulyo.
Apang ang problema subong amo nga may iban nga pungsod sa European Union nga may mahinay nga vaccination rollout.
Suno naman kay British business minister Kwasi Kwarteng, handa man sila nga magkooperar kag magbulig sa iban nga pungsod kag indi magkumpetensya sa iban nga mga lugar.
Apang sa pamangkot kun mabuligan sang UK ang kaiping nga lugar nga Ireland, ginpahayag ni Kwarteng nga kun may surplus vaccine doses, mahimo gid sila nga makashare.
Apang sa subong suno sa iya, wala pa sang surplus kag madamo pa sila sang dapat nga bakunahan.
