Nagdangat na sa kabug-usan nga 835,928 ang numero sang mga refugeess nga nagpalagyo sa Ukraine sa tunga sang nagapadayon nga tensyon batok sa Russia.
Suno sa data sang United Nations High Commissioner for Refugees, 454,000 ka mga tawo ang nagpadulong sa Poland; 116,000 sa Hungary; 67,000 sa Slovakia; 65,000 sa Moldova, 43,000 sa Russia, 38,000 sa Romania kag 350 sa Belarus.
Samtang, 52,000 naman ang nagsaylo sa iban pa nga European countries.
Ginapanglantaw naman sang UNHCR nga magasobra sa apat ka milyon ang mga Ukrainian refugees.
Naglunsyar naman ang United Nations sang emergency appeal nga $1.7 billion ukon ginabanta masobra sa P87 trillion agud nga gilayon maka-provide sang humanitarian aide sa mga tawo nga naapektuhan sang gyera sa tunga sang Russia kag Ukraine.
