Nagpaguwa ang United Nations sang global alert bangud sang kakulangan sang mga manunudlo.
Kadungan ini sang meeting sang International Task Force on Teachers for Education sa Johannesburg, South Africa.
Suno sa UN Educational, Scientific and Cultural Organization (UNESCO), pito sa 10 ka mga manunudlo sa secondary level ang nagakinahanglan na nga buslan sa 2030 — kaupod sa katunga sang tanan nga manunudlo nga posible magbiya na sa propesyon sa katapusan sini nga dekada.
Tuman ka daku ang epekto sini nga kakulangan suno sa ahensya lakip na ang pagdamo sang mga estudyante nga naka-assign sa kada manunudlo; pagtumpok sang trabaho sang educator; pagtuhaw sang kinalain sang lebel ukon treatment sa edukasyon; kag kakulang sa pinansyal sa mga eskwelahan nga nagaapekto sa kalidad sang pagtudlo.
Suno pa sa report sang ahensya, nagakinahanglan ang kalibutan sang 44 ka milyon nga manunudlo sa 2030 agud nga malab-ot ang Sustainable Development Goal sa quality kag equitable education.#
(Photo: Ali Vicoy)
