Masobra 20 ka tawo ang napatay sa Estados Unidos sang Amerika kag linibo man ang nawad-an sang suplay sang kuryente sa mismo adlaw sang Paskuwa bangud sang natabo nga major winter storm.
Sa latest report, nagsaka na sa 24 ang death toll bangud sa bangud sa brutal nga bomb cyclone nga nag-dala sang snow, mabaskog nga hangin, kag freezing temperatures.
Ang western US state sang Montana amo ang worst-hit sang pinakamalamig nga tyempo kun sa diin nagnubo sa -50F (-45C) ang temperatura.
Suno sa tracking site nga FlightAware, masobra 2,300 ka domestic kag international flights ang gin-kanselar sa Christmas Eve bangud sa madamol nga snow sa mga dalanon nga nagabalabag sa kuntani holiday weekend travel sang mga residente.
Suno kay Mark Poloncarz, executive sang Erie County sa western New York State, naga-sobra sa tatlo ka oras antes makaabot sa ospital ang ambulansya.
Ang blizzard suno sa opisyal amo ang “worst storm” sa maragtas sang amo nga lugar.
Duha sa mga napatay ang nagikan sa Cheektowaga, New York bangud wala nakaabot gilayon ang emergency crews nga makabulong kuntani sang ila nga medical conditions.
Isa ang napatay sa Buffalo sa amo man gihapon nga estado bangud sa amo man nga rason.
Suno naman kay New York Governor Kathy Hochul, may patigayunon nga federal disaster declaration agud may ekstra nga pondo para sa mga nagakinahanglan.
Ang iban pa nga mga estado kun sa diin may yara na sang reported nga nagkalamatay amo ang Ohio, Kansas, Vermont, Colorado, Wisconsin, Michigan kag Kentucky. ##
