Ginpagwa sang Philippine Coast Guard ang bag-o nga mga videos nga nagapakita sang pag-harass sang China Coast Guard (CCG) sa mga Pinoy nga manugpangisda sa Escoda ukon Sabina Shoal sang damlag lang.
Sa written affidavit sang manugpangisda nga si Arnel Lepalam, ginbalabagan sila sang barko sang China sa ila tuyo nga magkadto sa shoal sa West Philippine Sea agud magpangisda.
Suno kay Lepalam,sang amo nga adlaw, Nakita sang ila grupo ang CCG vessel nga yara sa 26 miles halin sa Escoda Shoal.
Nakita man nila ang China Coast Guard nga may numero nga 4108 nga nagmaniobra malapit sa ila.
Suno sa iya, ginabungguan sang barko ang ila katig kag gintabog palayo sa Sabina Shoal.
Dugang ni Lepalam, nagdesisyon sila nga magsaylo sa Iroquois Reef kag sang gintuyo naman nila nga magbalik sa Sabina Shoal, liwat sila nga gin-harass sang China Coast Guard.
Bangud sa insidente, wala nakatigayon sa pagpangisda ang grupo kag bangud sa kahadlok, nagbalik ang mga ini sa Quezon, Palawan.
