ILOILO CITY – Gin-abi-abi ni Vice President Sara Duterte ang tion nga ma-istoryahan ang legalidad sang pagsaylo sang P125 million in funds nagikan sa Office of the President padulong sa iya opisina sang 2022.
Nagpagwa sang isa ka video statement si Duterte pila ka oras matapos nagpalapit sa Supreme Court ang pila ka mga indibidwal agud nga ideklarar nga unconstitutional ang amo nga transfer.
Suno kay Duterte, nagalaum ini nga matapos na ang butang nga ini pinaagi sa mangin desisyon sang Korte Suprema.
Una na nga ginkwestiyon sang pila ka mga myembro sang Congress kag sang iban pa nga kritiko bangud sang P125 million confidential expenses sang Office of the Vice President sang 2022 apisar nga ang amo nga item ang wala sa idalom sang General Appropriations Act sang nagligad nga tuig.
Ginpahayag man ni Duterte nga ang sin-o man nga naga-atake kag nagapakanubo sa pondo nga gin-allocate para sa kalinong kag katawhay ang nagakontra sa pungsod.
