Nakatalana sa Biyernes nga adlaw, Setyembre 11, ang pag-atubang ni Vice President Sara Duterte sa korte para sa arraignment kaangot sa tatlo ka counts sang grave threats nga ginpasaka batok sa iya.
Suno sa abogado sini nga si Atty Michael Poa, wala pa nila ma-estoryahan ang nahanungod sa arraignment.
Apang, kinahanglan nga personal nga mag-atubang sa korte ang akusado agud ipahayag sini ang iya ng plea kun ini bala siya ang guilty ukon not guilty.
Nahibaluan nga ginpasaka sang Department of Justice ang kaso kaangot sang mga pahayag ni Duterte sa pagkuha sini sang mga indibidwal agud ipapatay sanday President Ferdinand Marcos Jr., First Lady Liza Araneta Marcos, kag anay Speaker Martin Romualdez.
Sa matandaan nga sang Setyembre 4, nagpaguwa sang warrant of arrest batok sa bise president ang korte kag gilayon naman ini nga nakapiyansa.
