VP Sara, gintawag nga adik si PBBM

Gintawag ni Vice President Sara Duterte si President Ferdinand Marcos Jr., nga “problema ng bayan” “adik” “korap” kag dapat na nga magresign sa iya pwesto.

Ini ang ginpakigbahin ni Duterte kasunod sang iya pagtubang sa iya nga mga supporters kahapon nga adlaw sa Quezon City Memorial Circle, Setyembre 11.

Kasunod man ini sang wala matigayon nga arraignment sa kaso sini nga grave threats sa Quezon City Regional Trial Court kasunod sang nangin mosyon sang iya nga kampo.

Suno sa iya statement, indi na nya masarangan nga maghipus na lang sa mga nagakalatabo sa bug-os nga pungsod ilabi na sa mga biktima sang baha.

Pahayag sang bise presidente, wala sang ginadala si President Marcos sa mga Pilipino, kun indi puro nalang kahuy-anan kag pag-antos.

Nagapati man si Duterte nga wala sang huya si Marcos bangud sa ginpahayag sini nga adik ang presidente kag wala sa reyalidad ang paminsarun.

Gin-engganyo man sini ang mga Pilipino nga padayun nga magpanawagan nga magresign si Marcos kag i-pangigbato man nga tapnaun ang korapsyon kag pag-abuso sa pungsod sang Pilipinas.