Handa ang kontrobersyal nga direktor nga si Darryl Yap nga atubangon ang 19 counts sang cyberlibel nga gin-file ni Vic Sotto batok sa iya.
Nag-ugat ini sa teaser nga ginpaguwa ni Yap kaangot sa iya film nga “The Rapists of Pepsi Paloma” nga nag-mensyonar sang bilog nga pangalan ni Vic Sotto.
Suno sa director, gina-welcome sini ang complaint kag sabton man niya ini kun pormal na ini nga makaabot sa ila nga kampo.
Nanindugan man ini nga naka-dokumento ang material nga iya ginpaguwa kag indi himu-himo lamang agud makapangguba. Wala man ini sang ‘personalan’ suno sa iya bangud ginplastar lamang niya ang nauna naman nakit-an kag na-publish sang 1980s.
“Ang sa akin lamang, lahat po ng materyal na aking inilabas o ilalabas ay nakadokumento—hindi ko po gawa-gawa para makapanira,” kabahin sang statement. “Wala pong personalan, naglalahad lamang po ako ng nangyari sa nakaraan na makikita sa mga nailathala noong 1980s. Naisapubliko naman po iyon.”
Ginsiling man sini nga nakabutang sa caption sang teaser nga ang alleged rape case nga gin-file ni Paloma batok kay Sotto ang gin-withdraw man.
“Malaya naman po ang kahit na sino magsampa ng kaso—gaya po ng naisampang rape case noon ni Pepsi Paloma laban sa kanya na siya pong natatanging laman ng teaser. Nasa caption din po ng post na inurong ang kaso,” suno kay Yap. “Hindi po tayo nagkulang. Mahalagang mapanood muna nila ang buong pelikula.”
Sang gin-file ni Vic ang complaint, ginsiling sini nga wala gid sang bisan isa halin sa film production ang nagkonsulta sa iya antes ginpaguwa ang teaser.
Nag-isyu naman ang Muntinlupa Regional Trial Court (RTC) Branch 205 sang writ of habeas data kun sa diin dumilian anay si Yap kag iya representatives nga mag-distribute sang promotional content para sa film.
Ginmanduan man ini nga i-take down ang materials nga na-post sa social media kag ginadumilian man ang pag-share sini nga posts.
Ginmanduan man si Yap nga mag-appear sa summary hearing sang petition for a writ of habeas data sa January 15.
Kun balikan, si Pepsi Paloma — nga liwat nga nabuhi ang pangalan bangud sa sini nga kontrobersiya — ang isa ka Filipino-American actress nga bantog sang 1980s bilang isa sa Softdrink Beauties.
Involved siya sa highly publicized scandal nga nag-akusar sang rape batok kanday kanday Sotto, Joey de Leon kag the late Richie D’ Horsie. Nasapwan siya nga patay sa iya balay sang May 31, 1985.
