Walo ka tawo ang ginbawian sang kabuhi samtang 15 ang pilason matapos mahulog sa pil-as ang isa ka mini dump tuck sa Sitio Platacan, Brgy. Christianuevo, Lebak,Sultan Kudarat.
Nakaangkon ang mga napatay nga biktima sang mga pilas kag mga bali sa lawas.
Gindala naman sa ospital ang mga pilason.
Ang mini dump truck ginamaneho ni Alvin Guiapar Adam, 38, sang Parang, Maguindanao nga may sakay nga 22 ka tawo nga lunsay taga- Maguindanao del Norte.
Ang salakyan naghalin sa Brgy. Poloy-Poloy pakadto sa Cotabato City sang hinali lang nadulaan sang preno ang salakyan sa dulhugon nga bahin sang dalan.
Wala nakontrol sang driver ang manibela gani nagbunggo ini sa barandilya sa kilid sang highway kag nahulog sa pil-as.
