Mas mangin dako ang rollback sa presyo sang produktong petrolyo para sa masunod nga semana suno kay President Ferdinand Marcos Jr.
Suno kay Marcos, maayo gid ini nga balita para sa mga motorista ilabi na subong nga nagapadayun pa ang tensyon sa Middle East nga rason sang mataas nga presyo sang gatong.
Yari ang possible rollback sa masunod nga semana suno sa presidente:
Gasolina – posible magnubo sang P3.41 kada litro
Diesel – posible magnubo sang P24.94 kada litro
Kerosene- posible magnubo sang P2.00 kada litro
Nagapanawagan man si Marcos sa mga oil companies sa Pilipinas nga ipatuman gid sang insakto ang nasambit nga rollback agud mabuligan man ang mga motorista.
Sa pihak nga bahin, yari ang posible nga rollback sa presyo sang produktong petrolyo para sa masunod nga semana sandig naman sa full-week Mean of Platts Singapore ukon MOPS kag foreign exchange average.
Diesel – mahimo mabuhinan sang P24.00 tubtub P26.00 kada litro
Gasoline – mahimo mabuhinan sang P2.50 tubtub P3.50 kada litro
Ang Mean of Platts Singapore amo ang average sang kada adlaw nga price assessments para sa refined petroleum products kaangay sang gasoline kag krudo sa Singapore nga amo ang regional hub para sa oil trading sa Asya.
Gina-anunsyo sang fuel retailers ang official price adjustments sa kada Lunes kag gina-implementar sa kada Martes sang aga.
