WASHINGTON USA– Madasig ang pagresponde kag may yara sang preparasyon ang Washington State sa Estados Unidos sa Coronavirus Disease 2019 (COVID-19) pandemic.
Suno kay Bombo International Correspondent Andrew Jenkins, iya ginpahayag nga may yara sang ginhanda nga hiligdaan kag ventilators ang US Government para sa mga pasyente.
Suno kay Jenkins, apisar nga may lockdown sa Washington, ginapahanugutan sa gihapon ang pagguwa sa balay kun may yara sang importante nga transaksyon apang ginapanugyanan ang tanan nga mas makapaayo nga magpaidalom na lang sa home quarantine.
Ginpahayag ni Jinkins nga ginasunod sang American nationals ang physical distancing apang indi mandatory ang pagsuksok sang facemask.
Sa bahin naman sang restaurants, take-out kag delivery na lang ang mga serbisyo kag wala ginapahanugutan ang dine-in.
Sa Washington, halos 600 na ang kumpirmado nga kaso sang COVID-19.
