Nagsabat na si Miss Universe Philippines 2020 Rabiya Mateo sa mga huring-huring nga break na sila sang iya long-time boyfriend nga si Neil Salvacion.
Suno kay Rabiya, ‘it’s a complicated situation’ kag kinahanglan pa nila nga mag-istoryahanay kun makabalik siya sa Pilipinas.
Space anay ang kinahanglan subong suno sa iya, apang gin-athag man niya nga indi ini ang una nga bes nga may natabo nga kaangay sini sa ila bangud pito man sila ka tuig nga magkarelasyon.
“It’s a complicated situation, and we need to talk about things when I go back to the Philippines. We are friends. I still tried to contact him, but we need to have this space together… as of the moment. But I am not closing any doors. We’ve been in this kind of situation before. We’ve been together for seven years. Who knows po? Who knows.”
Nag-umpisa ang breakup rumors sang nakit-an sang publiko nga gin-delete ni Neil ang mga pictures ni Rabiya sa iya nga Instagram account.
Mas labi pa gid nga nagtunog ang huring-huring sang nakit-an nga magkaupod sa pictures sanday Rabiya kag ang model nga si Andre Brouillette samtang yara pa ini sa Estados Unidos pagkatapos ang Miss Universe pageant.
Madasig naman ang defense sang Ilongga beauty queen kun sa diin may gin-repost siya nga picture kag nagsiling friends lang sila ni Andre. Gingamit sang 24 anyos nga biracial beauty ang hashtag #NotAvailable.
