Nagmandu ang International Court of Justice sa Israel nga maghimo sang nagakaigu kag epektibo nga tikang agud mapasiguro nga maga-abot insigida ang bastante nga pagkaon sa mga Palestinians sa Gaza.
Suno sa mga huwes, indi lamang risgo sang tuman nga kagutom ang ginasuprer sang mga tawo sa Gaza kundi nagakabatygan na gid ini subong ilabi na bangud lima ka bulan na halin sang nagsugod ang gyera.
Ini nga hulag sang World Court ang gin-request sang South Africa bilang parte sang nagapadayon sini nga akusasyon sa Israel nga nagakomiter na sang genocide sa Gaza.
Una naman nga ginpahayag sang United Nations World Food Programme nga tuman na ang kagutom nga ginasuprer sa northern part sang amo nga teritoryo sa Palestine.
32,000 na ka tawo ang napatay halin sang nagsugod ang Israel-Hamas war sang Oktubre 2023, samtang 20 naman ang nadulaan sang kabuhi bangud sa malnutrition suno sa Palestinian authorities.#
Abed Rahim Khatib/Anadolu via Getty Images
