Ginkumpirma ni President Ferdinand Marcos, Jr. paagi sa isa ka social media post subong nga gab-i nga nadakpan na si former Ako Bicol Representative Zaldy Co.
Suno sa presidente, gin-aresto si Co sang nagtabok ini sa Czech Republic nga wala sang nagakaigu nga documentation.
Naka-detain na ini subong sa amo nga pungsod, kag nagapakig-angot na ang Philippine government agud nga madala pauli ang amo nga kongresista.
“Nahuli na si Zaldy Co. He is now detained in Prague after crossing into the Czech Republic without proper documentation and is currently in the custody of Czech authorities. We are in close coordination with the Czech government to ensure that all legal processes are followed and to arrange for his return to the Philippines at the soonest possible time. We will keep the public informed as developments unfold,” suno sa post ni Marcos.
Nahibaluan nga wanted si Co halin sang Nobyembre 2025 bangud sang kaso nga graft kag malversation nga naangot sa mga anomaliya sa P289.5-million flood control project sa Oriental Mindoro.
Sa sunod-sunod nga mga expose sini sang 2025, gin-implicate sini si Marcos kag former House Speaker Martin Romualdez sa binilyon ka pesos nga insertions sa 2025 national budget.
Gin-alegar man anay sang kongresista nga indi siya magpauli bangud may nagapahog sa iya nga ipapatay siya.
“Sana po ay hindi nila ako mapatay bago ko mailabas ang lahat,” suno anay kay Co sa isa sini ka mga videos nga ginpaguwa sang nagligad nga tuig.
Nagpanindugan ini nga nagsunod lamang siya sa mga mandu kaangot sa ginaalegar nga budget insertions.
“Ginawa ko lang ang utos sa akin pero ngayon handa na akong harapin ang laha… Ginagamit ng administrasyon ang buong resources ng bansa para tumahimik ako,” pahayag sang anay kongresista.
Nag-resign siya bilang congressman sang Septyembre 2025 matapos gin-akusaran nga mastermind sang binilyon ka pesos nga flood control kag iban pa nga infra budget insertions sa 2025 budget.
Una naman nga ginpahayag sang Department of the Interior and Local Government (DILG) nga naka-request sila sa International Criminal Police Organization (Interpol) nga mag-isyu sang red notice batok sa amo nga pugante nga former representative.#
