Ginabanta nga isa ka milyon nga doses sang bakuna para sa pertussis ang magaabot sa pungsod sa bulan sang Hunyo subong nga tuig.
Ginkumpirma ini ni Department of Health spokesperson Eric Tayag samtang nga nagaamat-amat pa sa pagdamo ang kaso sang amo nga balatian kag may oubreak na sa Quezon City.
Sa subong, may 1,500 doses na nga nahatag ang ahensya sa Quezon City nga amo ang sarang magamit samtang nagahulat sang bag-o nga suplay nga sa tunga-tunga pa sang tuig magaabot.
Huwebes sang nagdeklarar ang Quezon City sang outbreak bangud sa 23 cases sang nasambit nga bacterial disease halin sang nagsugod ang 2024.
As of March 9 suno kay Tayag, may yara na sang 167 pertussis cases kag 35 ka mga patay sa bilog nga pungsod kun sa diin kadam-an ang na-rekord sa Metro Manila, Calabarzon kag Central Visayas.
Ang pertussis ukon whooping cough ang isa ka makalalaton nga bacterial respiratory infection kun sa diin ang mga sintomas amo ang mild fever, pagpalanglamig, kag pag-ubo nga wala naga-untat sa sulod na sang isa ka semana ukon tubtub 10 ka adlaw.
Mahimo nga mabulong ini nga balatian paagi sa antibiotics kag mahimo man malikawan paagi sa vaccination.
