ILOILO CITY- Nabaton na sang mga fisherfolks sang Taminla, Buenavista, Guimaras ang financial assistance gikan sa AC Energy kaangot sa paglupok sang power barge nga nagresulta sa oil spill sa kalalawran sang Guimaras kag Iloilo sang Hulyo.
Sa interview sang Bombo Radyo kay Buenavista, Guimaras Mayor Eugene Gallo Reyes, iya ginpahayag nga 139 ka mga fisherfolks ang nakabaton sang tseke sa diin wala man nagapalareho ang kantidad nga ginhatag sa mga claimants.
Suno kay Reyes, ang Taminla ang pinakauna nga barangay nga nakabaton sang ila claims gikan sa AC Energy.
Nahibaluan nga nagdangat tanan sa 8783 ang claimants sa bilog nga Iloilo kag Guimaras apang may yara sang 1900 nga mga na-disqualify.
