ILOILO CITY- Padayon pa nga ginatinguhaan sang otoridad nga makilala ang isa ka lalaki nga naghimulos sa menor de edad sa isa ka barangay sa Cabatuan, Iloilo.
Ang biktima ang nagapang- edaron sang 13 -anyos.
Sa interview sang Bombo Radyo kay PCMS Jonalyn Lastimozo, information officer sang Cabatuan Municipal Police Station, iya ginpahayag nga samtang nagalakat pauli ang biktima mga alas 6 sang gab-i halin sa eskwelahan sini, may natalupangdan siya nga nagasunod sa iya nga nagasakay sa motorsiklo.
Suno kay Lastimozo, nagdalagan ang biktima apang ginlagas ini sang suspek kag naabtan.
Pahayag pa ni Lastimozo, wala na nakabato ang biktima bangud gintabunan ang iya baba kag ginsumbag sang tatlo ka beses sang suspek.
Matapos ang paghimulos sa dalagita, madasig man nga nagpalagyo ang lalaki.
