ILOILO CITY- Naglab-ot sa 14 ka tawo ang patay sa pagpang-atake sang armado nga kalalakihan sa presuhan sa Juarez, Mexico.
Ang mga napatay ang ginalakipan sang pulo ka security guards kag apat ka preso.
Suno sa opisina sang Chihuahua state attorney general, nag-abot sa presuhan ang mga gunmen sakay sa armored vehicle kag nagpaarak sang luthang.
Nakapalagyo naman ang masobra 20 ka preso kasunod sang insidente.
Indi pa maathag kun ano nga grupo ang responsable sa pagpang-atake.
