Patay ang 15 ka mga tawo kag masobra 20 ang nasamaran sang nagpangluthang ang isa ka estudyante sa sulod sang unibersidad sa Prague, kapital nga syudad sang Czech Republic sa Central Europe.
Natabo ini sa philosophy department building sang Charles University suno kay Prague Police Chief Martin Vondrasek.
Napatay man ang suspek sa amo nga insidente matapos nga nahulog ini halin sa atop sang faculty of arts building.
Pahayag ni Czech Interior Minister Vit Rakusan, wala gina-suspetsahan sang mga imbestigador nga naangot ini nga krimen sa extemist ideology ukon sa anuman nga international terrorism.
Suno sa pulis, antes nangluthang ang suspek, nasapwan man nga patay ang iya nga amay.
Ginahibalo kun magkaangot ang amo nga hitabo.
Nahibaluan nga malaka lamang ang kaangay nga shooting incidents sa amo nga Central European country rason nga naalarma ang prime minister nga si Petr Fiala kag wala anay gindayon ang byahe sini pa-Olomouc sa east sang Czech Republic agud balikan ang hitabo sa Prague.# Photograph: Gabriel Kuchta/Getty via Irish Times
