Patay ang 16 ka tawo kasunod sang magnitude 6.8 nga linog nga nagtay-og sa southern Ecuador kag sa pila ka bahin sang Peru.
Suno sa United States Geological Survey, nag-igu ang linog malapit sa southern town sang Baláo kag masobra 65 km ang kadalumon.
Sandig naman sa General Secretariat of Communication of the Presidency of Ecuador, 381 ka mga tawo ang injured bangud sa amo nga linog.
Ini ang pinakamabaskog nga pagtay-og sa Ecuador halin sang 2016 sang 700 ka mga tawo ang napatay kag linibo ang napilasan. ##
