Gintugutan ang dugang nga 17 ka mga truck nga makasulod sa Southern Gaza Strip paagi sa pagbukas liwat sang Rafah border.
Ini nga convoy amo pa lang ang ikaduha nga batch nga ginpasugtan nga makasulod sa Gaza kasunod sang 20 ka trucks nga nagdul-ong sang bulong, pagkaon, kag tubig sa minilyon ka mga Palestinians sang Sabado.
AP Photo/Mohammed Asad
Natabo ang pagdul-ong sang ayuda sa mga Palestinians samtang nga ginapanan-aw naman ang pagsugod sang ground offensive sang Israel Defense Forces.
Una na nga ginbanta sang United Nations nga dapat nga 100 trucks kada adlaw ang kinahanglan nga makasulod para bastante ang bulig sa 2.4 million ka mga residente sa Gaza nga amo ang nagasuprer sa epekto sang away.
Suno sa head sang UN agency for Palestinian refugees, mahubas na ang ila nga fuel supplies pagkaligad sang tatlo ka adlaw. #
