Kasuhan ni Sen. Kiko Pangilinan ang 18 ka anay bagmen ni former Ako Bicol party-list Rep. Zaldy Co bangud sa pagdalahig sang iya pamilya sa isyu sang maleta.
Kahapon, sa press conference nga ginpangunahan ni former congressman Mike Defensor, ginpakita sang ex-bagmen ang mga laragway sang mga empleyado ni Co halin sa Misibis Aviation and Development Corporation.
Yara man sa picture ang aktres kag asawa ni Pangilinan nga si Sharon Cuneta samtang nagatindog naman si Kiko sa kilid.
“Puro pasaring. Puro alegasyon. Puro palabas. Gusto lang mantsahan ang naiulat na pag-upo ko bilang chairperson ng Senate Blue Ribbon Subcommittee na mag-iimbestiga sa flood-control scam,” suno kay Pangilinan sa iya statement nga gin-post.
Pahayag sini, bangud gindalahig na ang iya pamilya, patilawon man niya ang bagmen sang indi lang alegasyon kundi matuod nga salabton sa mga pagpangguba nga ila ginhimo. Dugang niya, maathag nga wala sang bisan ano nga basehan ang paghigko sa iya. Nagapati man siya nga gusto lamang sang pihak nga kampo nga ma-mantsahan ang iya ngalan bangud siya ang gin-report nga papungkuon bilang chairperson sang Senate Blue Ribbon Subcommittee.
“Wala ni katiting na basehan ang mga tangkang pagdungis sa aking pagkatao ng mga nagpa-presscon tungkol sa mga maletang kaugnay sa bilyon-bilyong pisong ninakaw sa kaban ng bayan. At dahil dinamay niyo pa ang pamilya ko, makakatikim kayo ng hindi pasaring, alegasyon, o palabas na kaso sa korte. Pananagutan ninyo ang paninirang ginagawa niyo,” dugang sa iya nga statement.
Naakig naman ang singer-actress nga si Cuneta kag gintawag nga mga butigon kag sobra-sobra na ang naglakip sang ila pictures kahapon.
Suno sa Megastar, naka-vlog pa siya gani sang nagbisita ang iya pamilya sa Marawi agud nga pasalamatan ang local officials nga nagsuporta kay Pangilinan sa iya pagpadalan sa 2025 elections.
“Mga sinungaling!!!!!!! Sobra talaga kayo!!!!! I vlogged about this visit my family and I made to Marawi to thank the Governor, Mayor, and other officials and their families for their support for Kiko,” post sang mega-star.
“Talaga ba, magbibigay kayo ng maleta sa amin sa Marawi pa???!!!” dugang niya.
Nahibaluan nga ini ang una nga tion nga nalawagan sang ex-bagmen ang pangalan ni Pangilinan apang wala man sila sang detalye nga nahatag kun paano kag pila ang nahatag sa iya nga “maleta.”#
