Kapin 20 ka mga tawo ang kumpirmado nga napilasan sa pinakaulihi nga ginpatigayon nga hublag-protesta sa Thailand.
Ini ang ginakabig man nga pinakabayolente nga demonstrasyon ipaanggid sa iban nga youth-led protest movement nga nag-umpisa sang bulan sang Hulyo.
Nagmartsa ang mga protesters malapit sa parliament agud makahatag pressure sa mga mamalidha nga amo ang nagadiskusyon may kaangtanan sa mga dapat bag-uhon sa Konstitusyon sang Thailand.
Luyag man sang mga naga-protesta nga kakson sa pwesto si Prime Minister Prayuth Chan-ocha kag panubuan ang gahum ni King Maha Vajiralongkorn.
Nag-agi ang iban nga protesters sa razor-wire barricades kag ginkakas ang concrete barriers sa gwa sang parliament.
Bangud sang natabo, napilitan ang kapulisan nga gamiton ang water cannon kag tear gas rason nga may yara sang mga na-injured.
Tubtob subong wala man gihapon sang komento ang Royal Palace may kaangtanan sa nagakatabo nga binulan na nga hublag-protesta.
