ILOILO CITY – Na-recover sang otoridad ang bangkay sang 18 ka mga tawo sa wildfires sa Greece kadungan sang na-ekspeyensyahan nga extreme heat wave sa mga pungsod sa Europe.
Ang mga napatay nga nasapwan malapit sa isa ka village sa northern Greece ang ginapatihan nga mga migrants.
Suno sa gobyerno sang Greece, ang ginatos ka mga bombero ang nagapakig-away sa 65 ka mga wildfires nga nagluntad humalin sang nagliligad nga mga adlaw.
Lakip sa mga major ongoing wildfires ang nagluntad sa Alexandroupolis kun sa diin, 13 na ka mga kumunidad ang gin-evacuate humalin sang Sabado.
