Naglab-ot tanan sa 184 senatorial aspirants kag 190 party-lists ang nag-file sang certificates of candidacy kadungan sang pagtakop sang filing period kahapon, suno ini sa Commission of Elections (Comelec).
Kahapon, 57 ka mga aspiring senators ang nag-file samtang 53 naman ang nag-file nga party-lists.
Magaagaway ang 184 ka mga bets para sa 12 ka Senate seats kag 63 naman ka pwesto ang agawan sang 190 party-list groups.
Ang numero sang aspirants para sa Senado ang mas mataas sa 176 nga na-record sang 2022 kag 153 sang 2019 samtang ang 190 party-lists ang mas manubo sa 270 nga mga grupo nga nag-file sang 2022.
Wala pa sang napagwa ang Comelec nga numero sang aspirants para sa local positions — governor, vice governor, provincial board member, city mayor, city vice mayor, city councilors, municipal mayor, municipal vice-mayor kag municipal councilors.
Kadungan sang pagtakop sang filing sang COC, natapos man ang filing sang substitution of candidates.
Suno kay Comelec Chairman George Erwin Garcia, pagkatapos sang Oktubre 8, ipatuman na ang no substitution rule sa mga local kag national candidates, amo man sa party-list groups.
Ang substitution tugutan lamang kun ang rason amo ang kamatayon ukon disqualification sang kandidato.
