ILOILO CITY- 187 ka mga Persons Deprived of Liberty (PDLs) sa Iloilo District Jail- Male Dormitory (IDJ-MD) sa Nanga, Pototan, Iloilo ang nag-qualify nga makaboto sa May 9,2022 national and local elections.
Sa interview sang Bombo Radyo kay Jail Chief Inspector Norberto Miciano Jr., warden sang IDJ-MD, iya ginpahayag nga on-site voting ang matabo bangud kuhaon lang ang balota sa polling precinct kun sa diin rehistrado ang PDL kag dal-on ang balota sa jail facility.
Suno kay Miciano, may yara lang sang designated area sa sulod sang pasilidad kun sa diin mahimo makaboto ang mga PDLs.
Sa amo nga designated area, 15 lang ang maximum nga PDLs nga dungan nga makaboto.
Pahayag ni Miciano, kinahanglan nga antes sang alas-dos sa hapon sa amo nga adlaw, mabalik na ang tanan nga mga balota sa polling precincts.
