ILOILO CITY – Lunsay negatibo sa COVID-19 ang 196 ka mga naka-angkon sang close contact sa personnel sang Bureau of Fire Protection Region 6 nga nagpositibo sa COVID-19.
Sa interview sang Bombo Radyo kay Fire Senior Insp. Stephen Jardeleza, tagpamaba sang Bureau of Fire Protection Region 6, iya ginpahayag nga nalakip sa 196 ka mga nagnegatibo amo ang anay Regional Director nga si Fire Senior Supt. Roderick Aguto.
Sa nasambit nga numero suno kay Jardeleza, wala pa diri nalakip ang lima ka fire marshall sa Negros Occidental nga naka-upod man sa pagpanglugayawan sa Boracay Island.
Ang COVID-19 test results sang lima ka fire marshall suno kay Jardeleza ang wala pa napaguwa.
