ILOILO CITY – Ginkumpirma sang Department of Health (DOH) Region 6 nga nag positibo sa Corona Virus Disease 2019 (COVID-19) ang duha ka empleyado sang National Irrigation Administration Region 6.
Sa interview sang Bombo Radyo kay Dr. Marlyn Convocar, regional director sang Department of Health Region 6, iya ginpahayag nga ang mga pasyente ang isa ka lalaki kag isa ka babaye.
Suno kay Convocar, ang mga COVID-19 positive ang asymptomatic kag nagapabilin sa quarantine facility.
Sa subong, napadayon pa ang contact tracing matapos natukiban nga nagsimba pa ang mga ini sang Dominggo.
Nahibaluan nga Lunes sang ginpaidalom ang mga ini sa Reverse transcription polymerase chain reaction (RT-PCR) test kag nagwa ang ila resulta sang Martes.
Gilayon naman nga disinfect ang opisina sang National Irrigation Administration Region 6 agud indi na maglapta pa ang kagaw sa lugar.
