‘Ba’t nakalusot sayo?’ Trillanes, nagapangampo na kay Jonvic Remulla

Nagapangampo na si former Senator Antonio “Sonny” Trillanes IV kay Department of the Interior and Local Government (DILG) Secretary Jonvic Remulla.

Ini kasunod sang kapalpakan nga maaresto si Senator Ronald “Bato” Dela Rosa bisan nga may standing arrest warrant na halin sa International Criminal Court (ICC).

Napaidalom si Dela Rosa sa protective custody sang Senado apang nagpalagyo ini kag ginapahayag nga nagbiya kaupod si Senator Robin Padilla sang Huwebes sang kaagahon, Mayo 14.

Madumduman nga sang Lunes sang hapon, nagkadto mismo si Trillanes sa Senado agud nga i-grant ang “personal request” ukon ang hangkat ni Dela Rosa sa iya sang 2024 nga maupod siya kun iserbe na ang arrest warrant.

Kasunod sang pagpalagyo ni Dela Rosa, nagpahayag si Trillanes nga incompetent ang tiglikom kag wala na siya sang anuman nga expectation sa iya.

“Alam mo, suko na ko dito kay Secretary Jonvic. If you think, he cannot top yung incompetence niya, talagang he keeps on outdoing himself. Sinabi niya kahapon, he’s there to protect Bato. If you’re there to protect Bato, ba’t nakalusot sayo? Papaano mo siya mapoproteksyunan? I give up on the guy,” suno sa former senator.

“At this point in time, hindi na ko nafufrustrate kay Secretary Jonvic kasi zero expectations na ko sa kanya eh,” dugang sini.

Kahapon, nag-file liwat si dela Rosa sa Korte Suprema paagi sa iya abogado nga si Atty. Israelito Torreon sang very urgent manifestation para sa pagpagwa sang temporary restraining order (TRO) kaangot sa arrest warrant sang ICC#