Wala nagabahar ang operasyon sang Iloilo Police Provincial Office (IPPO) batok sa illegal quarry agud nga mabuligan ang Iloilo Provincial Government nga matapna ini nga iligal nga buluhaton.
Sa interview sang Bombo Radyo kay Police Lt. Col. Arnel Solis, ang spokesperson sang Iloilo City Police Office, iya ginpahayag nga sa tatlo ka adlaw nga operasyon sang Mayo 7 tubtub 9, may 11 na naman ka mga dump truck nga nagkaladakpan.
Sa press release sang IPPO, tatlo diri ang halin sa Santa Barbara; tag-duha sa Passi kag Tigbauan; kag may tag-isa naman sa Zarraga, Dingle, Dueñas kag Guimbal Municipal Police Stations.
Sa pagpangusisa sang mga kapulisan, nahibaluan nga ang bayolasyon sang mga nagkaladakpan amo ang incompletely filled-out, misdeclared entry, tampered delivery receipt, open dated kag no hauling contract.
Suno kay Solis, ang kada madakpan ang dapat nga magbayad sa Iloilo Provincial Capitol. Kun mahatagan na sang order of release, ginadala ini sa local police; ginabalik ang ila truck; apang forfeited na ang karga sang ila salakyan.
Nahibaluan nga antes sini, may 21 dump trucks kag isa ka payloader man nga nagkaladakpan sa malapit duha ka semana nga asud-asud nga operasyon sa padayon nga ginapabaskog nga kampanya kontra illegal quarry halin sang Abril 25 tubtub Mayo 6 sa lain-lain nga banwa sa probinsya.#
 batok sa illegal quarry sa probinsya.){kind=link}