Nagpahanumdom ang Department of Health sa publiko sa mga dapat himuon agud malikawan ang mga balatian nga resulta sang tuman nga kainit sang panahon bangud man sa padayon nga epekto sang El Niño.
Suno sa ahensya, mas mataas subong ang risgo sang heat-related illnesses kaangay sang heat exhaustion kag heat stroke bangud sang tuman kataas nga temperatura.
Nagpahanumdom man ang DOH sa tanan nga regular nga mag-inom sang bastante nga tubig adlaw-adlaw apisar wala pa nagabatyag sang kauhaw agud mapabilin nga may bastante nga tubig ang lawas.
Ginpanugyanan man sang ahensya nga limitahan ang pag-inom sang mga ilimnon nga may caffeine kag mataas nga sugar content, amo man ang makahulubog nga ilimnon, bangud mahimo ini makapamala sang lawas.
Ginpunto sang DOH nga importante ang dugang nga paghalong kag pagpanghanda sang publiko agod maprotektahan ang ila ikaayong-lawas samtang naga-eksperyensya ang pungsod sang tuman kainit nga tyempo bangud sa El Niño.














