Nagpasapubliko ang ginapahayag duha ka nga testigo agud ipresentar ang ila mga nahibaluan nahanungod sa paghatod sang minaleta kag daku nga kantidad sang kwarta sa pamilya Duterte.
Suno kay alyas “Chris,” nga nagpakilala bilang anay driver ni anay House Speaker Lord Allan Velasco, naglab-ot sa ginapahayag 35 tubtob 40 ka maleta nga ila ginhanda para sa delivery.
Nagdugay man sang halos tatlo ka adlaw ang ila biyahe pakadto sa Davao, upod ang ila head driver nga si Victor Sioco.
Suno pa sa iya nga isa man sa mga lugar nga ila ginpadulongan amo ang balay ni Vice President Sara Duterte.
Samtang, si alyas “Alex,” nga nagpakilala bilang anay empleyado ni Davao City 1st District Representative Paolo “Pulong” Duterte, nag-alegar man nahanungod sa mga property nga ginatudlo nga iya ni Pulong kag gina-alegar nga yara sa nagkalain-lain nga lugar sa Davao City.
Ginpakigabhin man ni Alex ang iya alegasyon nahanungod sa physical abuse kag pagmaltrato ni Pulong sa iya mga empleyado, nga suno sa iya amo ang isa sa mga rason sang iya pagbiya sa trabaho.
Suno sa duha ka testigo, nagdesisyon sila nga ipahayag ini sa publiko agud mahibaluan sang mga tawo ang ila mga nahibaluan nahanungod sa amo nga mga isyu.
Nagpanawagan man sila kay anay House Speaker Lord Allan Velasco nga magpakita na kag magpahayag man sa iya nahibaluan.
Sa karon, padayon nga nagakoordinar ang mga testigo sa nagakaigo nga mga awtoridad para sa masunod nga mga tikang may kaangtanan sa ila mga testimonya.














