Arestado ang duha ka menor de edad nga suspek sa brutal nga pagpatay sa 21-anyos nga estudyante sa sulod sang ila balay sa Barangay La Filipina, Tagum City, Davao del Norte.
Ang biktima amo si Sophia Maria Coquilla nga estudyante sa UP-Manila.
Siya ang nakaangkon sang 38 stab wounds.
Ang mga naaresto amo ang 14-anyos kag 17-anyos nga mga solterito nga taga-Maragusan, Davao de Oro.
Ang mga suspek ang nadakpan samtang nagatuyo nga malagyo sa ila boarding house kag nakilala paagi sa ila pula nga buhok nga nakit-an sa CCTV footage.
Narekober sa ila ang nadula nga Apple laptop, iPad, iPhone, kag relo sang biktima.
Nakuha man sa ila ang duha ka kutsilyo nga may yara pa sang nagmala nga dugo.
Sang ginpamangkot, gin-ako sang 17-anyos nga suspek nga nangawat sila para mag gastuhon sa pagsuporta sa iya nagabusong nga partner.
Nakumpirma man nga nadakpan man ini sadto bangud sa pagpangawat.
Yara na sa kustodiya sang Women and Children Protection Desk ang duha.
Ginapangita pa sang otoridad ang duha pa gid ka mga suspek.
