USA – Aprubado na sang US Senate ang $2 trilyon nga relief package nga igahatag nga bulig para sa mga tawo kag kompanya nga apektado sang amat-amat nga pagnubo sang ekonomiya sang Estados Unidos bangud sa Coronavirus Disease 2019 pandemic.
Ang $250 bilyon ang direkta nga ipanghatag sa mga indibidwal kag mga pamilya.
$350 bilyon ang ipanghatag sa magagmay nga mga negosyante.
$250 bilyon naman para sa unemployment insurance benefits samtang ang nabilin nga $599 bilyon ang natalana para sa loan sang mga apektado nga kompanya.
Makabaton man sang bulig pinansyal ang mga empleyado nga madulaan sang trabaho, kompanya kag major industries kaangay sang airline companies.
Nahibaluan nga ini na ang pinaka-dako nga rescue package sang Amerika.
Ang nasambit nga kasugtanan ang expansion man sang Republican legislative proposal ukon Coronavirus Aid, Relief and Economic Security Act.
